„გალერეა რუმ დიზაინის მხარდაჭერით, 2023 წლის 11 ოქტომბერს, სასტუმრო „რედისონ  ბლუ ივერიაში“,
„არქიტექტურული პრემია 2023“-ის დაჯილდოვების ცერემონია გაიმართა.

არქიტექტორთა კონკურსის ფარგლებში, „გალერეა რუმ დიზაინმა“, „საზოგადოებრივი ინტერიერის“
ნომინაციაში გამარჯვებულ ინტერიერის დიზაინერს - შორენა თაყაიშვილს, პრემიის სახით ჩვენი
მულტიბრენდული შოურუმის 1000 ლარიანი სასაჩუქრე ვაუჩერი გადასცა.

არქიტექტორთა კონკურსში მონაწილეობა მიიღეს როგორც ქართველმა, ისე უცხოელმა არქიტექტორებმა
და დიზაინერებმა. საერთაშორისო კონკურსის ფარგლებში, 180-მდე არქიტექტურული, ქალაქგეგმარებითი და
დიზაინერული პროექტი იყო წარდგენილი.

საერთაშორისო არქიტექტურული კონკურსი „საქართველოს არქიტექტორთა ასოციაციისა“ და ჟურნალ
“STYLE” -ს ორგანიზებით არქიტექტურისა და ინტერიერის დიზაინის სფეროში მოღვაწე პროფესიონალთათვის
2006 წლიდან ყოველწლიურად იმართება. „გალერეა რუმ დიზაინი“ ულოცავს ყველა გამარჯვებულს
დაჯილდოვებას და უსურვებს წარმატებას პროფესიულ საქმიანობაში.