თანამედროვე ინტერიერის შედევრი - ბინა პეკინიდან

 

მდიდრული აპარტამენტი, რომელიც მთლიანად ტანხვედრაშია იტალიური მაღალის მოდის ტრენდებთან და რომელიც შთაგონებულია იტალიური მოდის სახლის ფენდის მიერ. "ფენდის აპარტამენტი" ასე უწოდეს პეკინში მდებარე ამ ბინას. თანამედროვე დიზაინის ეს ქმნილება ერთიანობაა ისეთი ბრენდებისა როგორებიცაა არმანი, ასტონ მარტინი, შანელი და ჰერმესი. ეს ლაქშერი აპარტამენტი ბრწყინვალე მასალების და გრანდიოზული სივრცეების კომბინაციაა.

 

ინტერიერის შექმნისას დიზაინერები შეეცადნენ მასში ჩაექსოვათ იტალიური ისტორია და კულტურა, კლასიკური ელემენტები ჰარმონიულად შეეტანათ თანამედროვე სივრცეში. ბინაში შესვლისთანავე უზარმაზარ ფოიეში აღმოჩნდებით, სადაც თვალში გხვდებათ ქვის კიბე შთაგონებული რომის ცნობილი ესპანური მოედნიდან.

 

სასადილო და საცხოვრებელი სივრცეები მაქსიმალურად ღიაა, რომ რაც შეიძლება მეტად იყოს განათებული ბუნებრივი შუქით დღის მანძილზე. ბინის ფანჯრების ინსპირაცია ფრანგული კულტურა გახდა, ისინი ორმაგი სიმაღლის სივრცეს ქმნიან და თავს გადაყურებენ მთელ პეკინს.

 

შთამბეჭდავ ხედებს ქალაქზე მთავარი ფოიეც წარმოგვიდგენს და ამავე დროს თითბერის, ხავერდის და თეთრი მარმარილოს პალიტრას გვთავაზობს. ძალზე საინტერესოდაა გადაწყვეტილი განათებების დიზაინი, რომლის შთაგონების წყაროც რომის შადრევნები გახდა.

 

თუმცა არა მხოლოდ რომი და იტალია, კიდევ უამრავი კულტურა გახდა ამ ინტერიერის დიზაინის შთაგონების წყარო. ესაა ნამდვილი კულტურათა ფეიერვერკი, დაწყებული დასავლური სტილიდან დამთავრებული ჩინური მოტივებით.