Ceramicas Aparici 1940-იან წლებში დაარსდა ესპანეთის ქალაქ ალკორაში, რომელიც XVI საუკუნიდან ცნობილია კერამიკის წარმოების ტრადიციით. Aparici-ის კერამიკა გამორჩეულია წარმოების მაღალი ხარისხით და ინოვაციური დიზაინით. კერამიკისა და კერამოგრანიტის ამ ბრენდს მნიშვნელოვანი წვლილი შეაქვს ინდუსტრიის განვითარებასა და ახალი ტრენდების ჩამოყალიბებაში მთელი მსოფლიოს მასშტაბით. მისი წარმატება განპირობებულია პრინციპით: კერამიკული ფილა არ არის მხოლოდ უბრალო სამშენებლო მასალა, ფილა ინტერიერის და არქიტექტურული დიზაინის მნიშვნელოვანი ნაწილია, რომელიც ბრწყინვალე ხარისხით და ესთეტიური სილამაზით უნდა გამოირჩეოდეს - ამ პრინციპს ბრენდი უკვე ნახევარ საუკუნეზე მეტია განუხრელად მისდევს და იცავს. დღემდე პროდუქცია ადგილზე ესპანეთის ქალაქ ალკორაში და მის შემოგარენში მზადდება და ექსპორტზე მსოფლიოს 140 ქვეყანაში გადის.