საბურთალო თბილისი გარდენი

 

მიმდინარე პროექტი - ინდივიდუალური საცხოვრებელი აპარტამენტი საბურთალოზე

პროექტის მიზანს წარმოადგენდა შეგვექმნა სოლიდური, მყუდრო და ჰარმონიული გარემო ახალგაზრდა
ოჯახის მოთხოვნებისა და ცხოვრების სტილის გათვალისწინებით. ობიექტის თითოეული დეტალი იმგვარადაა
გათვლილი, რომ არ დაირღვეს ბუნებრივი მასალებითა და ორნამენტთა რიტმული კომბინაციით შექმნილი სივრცის ერთიანობა.

აპარტამენტი გამოირჩევა ულამაზესი პანორამული ხედით მთელ თბილისზე. ფერთა დინამიური კომბინაცია და  
დიზაინის უახლესი მიდგომები -ტექსტურირებული დეკორატიული კედლის მასალა, ნატურალური იტალიური
მარმარილო და ხავერდი, ინტერიერს კიდევ უფრო მეტ სიცოცხლეს სძენს.

თანამედროვე ინტერიერში ბუხარს მხოლოდ თბილი ატმოსფეროს შექმნა აღარ ეკისრება, იგი უკვე თავადაა
ხელოვნების ობიექტი და სახლის ნამდვილი გული. ეს კი ნიშნავს, რომ მისი დიზაინი უნაკლო უნდა იყოს.